Sportshal: Familljerallye

16.05.2022

Mer waren e Samschden a grousser Gefor. Bei eis war en Experiment schif gaangen a eis Stagiäre huet sech mat engem béisaartege Virus infizéiert. Wie gutt dass mer enorm engagéiert Elteren a Kanner hunn. Se hunn op eisen Hëllefsruff reagéiert a koumen eis zur Säit stoen.

D’Sandy huet all eise Kanner a Elteren eist Leed verzielt an erkläert wat ze maachen ass. Mat Hëllef vun engem Bréif, enger Kaart a  QR-Code ass d’Aventure lass gaangen. 6 Statioune mat  Aufgaben hunn misse gemeeschtert gi fir ganz besonnesche Steng oder Pärelen ze kréien. Domadder konnte mer eis schütze bis en Heelmëttel fonnt ginn ass

Eis infizéiert Stagiäre huet d’Saach net méi einfach gemaach. Et huet den Elteren an de Kanner opgelauert an och nach en QR-Code verstoppt.  Mer hunn all misse gutt oppasse fir vun him net ugepaakt ze ginn. Zum Gléck huet et sech mat haardem Jäize verdreiwe gelooss. Um En vun dësem flotten Nomëtten ass et eis awer gelonge jiddereen ze schützen an esouguer eis Stagiäre ze heelen. Op dëser Stell soe mer eise Kanner an hiren Elteren en decke Merci fir de gudden Asaz.

 

» Fotoen