Sportshal: Among Us
22.02.2022Eis Kanner hunn an der lescht vill iwwert en online Spill mam Numm Among Us geschwat. Nodeems se eis erkläert hunn em wat et an dem Spill geet hunn mer eis mat de Kanner iwwerluecht wei en dat an der reeller Welt als Beweegungspill ëmsetze kann.
Am Spill geet et dorëm verschidden Aufgaben ze erleedegen ier di sougenannte „Impostors“ (Verräter) hier Matspiller ausschalten.
Virun der Spillronn krit all Kand eng verdeckten.Kaart. Do steet dann drop wat fir eng Roll et huet a wat fir eng Aufgaben et maache muss. All Crewmember huet drai Aufgaben ze erfëllen. D’Aufgabe sinn a verschiddene Säll an och an der Sportshal verdeelt sou dass ronderëm goe musse fir hier Aufgaben ze fannen.
D’Kanner mat der Roll vum Impostor probéieren sou onopfälleg wie méiglech d’Crew auszeschalten. Dofir klappen se di aner Kanner eng Kéier kuerz ob dem Aarm an domadder sinn déi betraffe Kanner fäerdeg mat Spillen a leeen sech op de Buedem. Wann se vun engem Crewmember fonnt ginn treffen sech all Matspiller an diskutéieren doriwwer wien se verdächtegen en Impostor ze sinn.
Wann all d‘Impostorë fonnt ginn huet d’Crew gewonnen. Hunn d’Impostoren awer all d’Crewmemberen ofgeklappt gewannen d’Impostoren.
D’Kanner ware bei dem Spill enorm motivéiert. Sie haten enorm Spaass en Spill wat eigentlech online gespillt gëtt esou em ze setzen dass si sech dobäi beweege konnten. Sie hunn gesinn dass en virtuell Spiller och flott anescht ëmsetze kennen. Sie si schonn dobäi sech nei Aufgaben auszedenke fir dëst Spill nach emol ze spillen. Bestëmmt fannen se och nach aner online Spiller déi en flott op des Aart a Weis ëmsetze kann.
» Fotoen